لاہور: سموگ کے خاتمے کیلئے کرول جنگل میں دس ہزار پودوں کی شجرکاری

لاہورمیں سموگ کے خاتمے اورماحولیاتی تحفظ کیلئے محکمہ فارسٹ نے کمیونٹی پارٹنرشپ کے ساتھ کرول جنگل میں دس ہزار پودے لگادیے ۔
یہ پودے محکمہ جنگلات کی 14 ایکڑ پرمحیط برسوں سے بنجرپڑی خالی زمین پر عوامی شمولیت سے لگائے گئے۔کرول جنگل میں محکمہ فارسٹ کی اسپیشل ٹیموں نے شجرکاری کی۔ لاہور کے اے کیوآئی میں مستقل بنیادوں پر بہتری کیلئے پاکپتن کے ایک ماحول دوست شہری نے لاہور میں 10 ہزار پودوں کا تحفہ دیا جو کرول جنگل میں فارسٹ کے محکمے نے لگائے۔
دوسری طرف عوام سموگ اور فضائی آلودگی کے خاتمے کیلئے گھروں اور علاقوں میں خود شجرکاری کرنے لگے ، جبکہ شجرکاری مہم سائنسی، سماجی اور مذہبی جذبے کے امتزاج کے ساتھ تیزی سے فروغ پا رہی ہے۔
کرول جنگل میں محکمہ جنگلات، سکول کے طلبا، رضاکاروں اور عملے نے ملکر 14 ایکڑ رقبے پر شجرکاری کی، مقامی انواع جیسے پیپل، نیم اور جامن کے درخت لگائے گئے۔