مریم نوازکےبیٹےجنیدصفدرکی شادی کب ہوگی ؟تاریخ طے پاگئی

وزیراعلیٰ پنجاب اورکیپٹن (ر) صفدر کے صاحبزادےجنیدصفدرکی شادی کب ہوگی ؟تاریخ طے پاگئی۔
جنیدصفدرکی شادی مسلم لیگ (ن) کے سینئر رہنما شیخ روحیل اصغر کی پوتی سے طے ہوگئی۔جس کی تقریبات آئندہ سال16 ،17اور18 جنوری  کو طے پائی ہیں، جبکہ جنیدصفدراورشانزےکی مہندی اورولیمہ کےایونٹس جاتی امرامیں ہونگے ۔دونوں خاندانوں کی جانب سے شادی کی تیاریاں شروع کردی گئی ہیں۔
خاتون شیخ روحیل اصغر کے صاحبزادے علی روحیل اصغر کی صاحبزادی ہیں۔ دونوں خاندانوں کی جانب سے شادی کی تمام رسومات اورتقریبات منعقدکرنےکافیصلہ کیاگیاہےتاہم امکان یہی ہے کہ تمام تقریبات محدود پیمانے پر ہوں گی اور صرف قریبی عزیز و اقارب ہی مدعو کیے جائیں گے۔
واضح رہےکہ جنیدصفدرکی شادی معروف بزنس مین سیف الرحمان کی صاحبزادی عائشہ کےساتھ 2021 میں ہوئی تھی۔ اکتوبر 2023 میں جوڑے نے طلاق لے لی تھی۔
خیال رہےکہ رواں سال مئی کےمہینےمیں بھی ایک بارپھرخبریں زیرگردش رہی تھیں کہ جنید صفدر کا رشتہ دوبارہ طے ہوگیا ہے جو سابق وزیر اعظم نواز شریف کے قریبی عزیزوں میں طے ہوا ہے۔ کہا جا رہا تھا کہ جیند صفدر کی شادی نواز شریف کے رشتہ دار کی پوتی سے ہوگی۔