پنجاب میں بلدیاتی انتخابات مزید تاخیر کا شکار، الیکشن کمیشن کے شدید تحفظات

پنجاب میں بلدیاتی انتخابات مزید تاخیر کا شکار ہونےپر الیکشن کمیشن نے شدید تحفظات کااظہارکیا۔
پنجاب میں بلدیاتی انتخابات ایک بار پھر تاخیر کا شکار ہو گئے ہیں، جبکہ ان کے انعقاد سے متعلق معاملہ سماعت کے لیے مقرر کرنے کا فیصلہ کیا گیا ہے۔ بلدیاتی انتخابات سے متعلق کیس کی جلد سماعت متوقع ہے۔
الیکشن کمیشن کے مطابق پنجاب لوکل گورنمنٹ الیکشن رولز 2025 تاحال نوٹیفائی نہیں ہو سکے، جبکہ کمیشن کو صوبائی حکومت کی جانب سے باضابطہ نوٹیفکیشن کا انتظار ہے۔ یونین کونسلز کی حد بندی کے قواعد، بلدیاتی علاقوں کی حد بندی اور درجہ بندی سے متعلق نوٹیفکیشن بھی تاحال جاری نہیں ہو سکا۔
اسی طرح یونین کونسلز کی تعداد سے متعلق نوٹیفکیشن بھی التوا کا شکار ہے، جبکہ مردم شماری 2023 کے مطابق مستند نقشے فراہم نہ کیے جا سکے۔ الیکشن کمیشن کا کہنا ہے کہ صوبائی حکومت بلدیاتی انتخابات کی ٹائم لائن پر عمل درآمد میں ناکام رہی ہے۔
الیکشن کمیشن نے پنجاب میں بلدیاتی انتخابات میں تاخیر پر شدید تحفظات کا اظہار کیا ہے۔