پروگرامنگ خرابی؟ روبوٹ نے مارشل آرٹس شو میں بچے کو لات مار دی

چین میں ایک روبوٹ کی جانب سے کارکردگی کے دوران ایک چھوٹے بچے کو لات مارنے کا واقعہ پیش آیا ہے، جس کی ویڈیو سوشل میڈیا پر وائرل ہو رہی ہے۔

میڈیا رپورٹس کے مطابق یہ واقعہ سنکیانگ کے ایک تفریحی مقام پر پیش آیا، جہاں ایک ہیومنائیڈ روبوٹ کو مارشل آرٹس کے مظاہرے کے لیے استعمال کیا جا رہا تھا۔

کارکردگی کے دوران روبوٹ نے مبینہ طور پر توازن یا پروگرامنگ میں خرابی کے باعث قریب کھڑے ایک بچے کے پیٹ پر لات دے ماری۔

رپورٹس کے مطابق خوش قسمتی سے بچے کو کوئی سنگین یا دیرپا چوٹ نہیں آئی، تاہم واقعے نے روبوٹک ٹیکنالوجی کی حفاظتی حدود پر سوالات اٹھا دیے ہیں۔