نئے سال کے آغاز پر مثبت آغاز،سٹاک مارکیٹ نئی تاریخی بلندیوں پر پہنچ گئی

سٹاک مارکیٹ نئی تاریخی بلندیوں پر پہنچ گئی،ہنڈرڈ انڈیکس ایک لاکھ 76 ہزار پوائنٹس کی حد عبور کرگیا ۔
نئے سال کے آغاز پر مثبت رجحان کے باعث پاکستان سٹاک مارکیٹ ایک بار پھر تاریخی بلندیوں کو چھو گئی اور کاروباری ہفتے کے چوتھے روز بھی کاروبار کے آغاز پر سٹاک ایکسچینج میں زبردست تیزی ریکارڈ کی گئی۔ پاکستان سٹاک مارکیٹ میں ہنڈرڈ انڈیکس 1900 سے زائد پوائنٹس کے اضافے کے ساتھ ایک لاکھ 76 ہزار 38 پوائنٹس کی بلند ترین سطح پر پہنچ گیاجبکہ گزشتہ کاروباری دن کے اختتام پر 100 انڈیکس 418 پوائنٹس کمی سے ایک لاکھ 74 ہزار 54 پوائنٹس کی حد پر بند ہوا تھا۔
اہم شعبوں میں بھرپور خریداری کا رجحان رہا جن میں کمرشل بینکس، تیل و گیس کے شعبے اور او ایم سیز شامل ہیں، پی اوایل، ایم سی بی، پی ایس او، پی پی ایل اور یوبی ایل بھی مثبت زون میں دکھائی دیئے۔