خیبر پختونخوا میں حکومت ختم ہو چکی، سلمان اکرم راجہ کابڑا انکشاف !

پاکستان تحریک انصاف کے رہنما سلمان اکرم راجا نے دعویٰ کیا ہے کہ خیبر پختونخوا میں حکومت کی عمل داری ختم ہو چکی ہے اور صوبے میں سرکاری احکامات پر عمل درآمد کا نظام متاثر ہو رہا ہے۔

سلمان اکرم راجا کے مطابق صوبے میں پولیس بھی احکامات پر عمل نہیں کر رہی، جبکہ ڈپٹی کمشنرز کی جانب سے بھی ہدایات پر عمل درآمد نہیں کیا جا رہا۔ انہوں نے موجودہ صورتحال پر اظہارِ تشویش کرتے ہوئے کہا کہ خیبر پختونخوا میں اس وقت غنڈہ گردی کا راج ہے۔

ان کے بیان میں صوبے میں انتظامی معاملات اور حکومتی رِٹ سے متعلق سوالات اٹھائے گئے ہیں۔ ان کا مؤقف ہے کہ جب قانون نافذ کرنے والے ادارے اور ضلعی انتظامیہ احکامات پر عمل نہ کریں تو حکومتی عمل داری متاثر ہوتی ہے۔