طب کی دنیامیں ٹیکنالوجی کاانقلاب:پاکستان میں پہلی روبوٹک سرجری

طب کی دنیامیں ٹیکنالوجی کاانقلاب،پاکستان میں پہلی روبوٹک سرجری مکمل کر لی گئی۔
وفاقی دارالحکومت اسلام آبادکےپمزہسپتال میں پہلی جدید روبوٹک سرجری کا انعقاد کیا گیا، روبوٹک ٹیکنالوجی سے کامیاب آپریشن کیا گیا۔ سرجری کیلئے جدید ٹو مائی سرجیکل روبوٹ کا استعمال کیا گیا، اس سرجری میں برطانیہ کے بین الاقوامی ماہرین نے بھی حصہ لیا۔
جدیدروبوٹک سرجری میں پمز کے پروفیسر شمیم خان، پروفیسر متین شریف اور ڈاکٹر جاوید برکی نے رہنمائی کی، پمز کے ڈاکٹر عاطف انعام شامی، ڈاکٹر برہان الحق اور ڈاکٹر خالد سعید نے بھی شرکت کی۔
پمز ہسپتال کے ترجمان کا کہنا ہے کہ روبوٹک سرجری سے پیچیدہ آپریشن اب زیادہ محفوظ اور موثر طریقے سے ہو سکیں گے۔