انڈر 19ایشیاکپ فائنل: پاکستان بھارت کو191رنزسے شکست دیکرچیمپئن بن گیا

ایشین کرکٹ کونسل (اے سی سی) انڈر 19 ایشیا کپ کے فائنل میں پاکستان نے بھارت کو191 رنز کے بڑےمارجن سےشکست دےکرٹائٹل اپنےنام کرلیا۔
دبئی میں کھیلے گئےانڈر19ایشیاکپ کےفائنل میں بھارت نے پاکستان کے خلاف ٹاس جیت کر پہلے فیلڈنگ کا فیصلہ کیا۔گرین شرٹ نےپہلے کھیلتےہوئے مقررہ اوورمیں8وکٹوں کےنقصان پر 347 رنز بنائےہدف کےتعاقب میں پوری بھارتی ٹیم 156 رنز پر ڈھیر ہوگئی۔
پاکستان کی جانب سے سمیر منہاس نے 113 گیندوں پر 17 چوکے اور 9 چھکوں کی مدد سے دھواں دھار 172 رنز کی اننگز کھیلی، سمیر اس ٹورنامنٹ کے ٹاپ سکورر ر ہے۔احمدحسین نے56رنزفراہم کیےجبکہ عثمان خان نے 35 سکور کیے۔کپتان فرحان یوسف نے 19 اور حمزہ ظہور نے 18 رنز بنائے۔ محمد صیام 13 اور نقاب شفیق 12 رنز کے ساتھ ناٹ آؤٹ رہے۔
بھارت کی جانب سےدپیش دیوندرن نے 3کھلاڑیوں کوآؤٹ کیاجبکہ پٹیل اور ہینل پٹیل نے 2-2 کھلاڑیوں کو پویلین کی راہ دکھائی۔
بھارت کی جانب سے دیوندرن نے 36 اور سوریا ونشی نے 26 رنز بنائے۔
پاکستان کی جانب سے علی رضا نے 42 رنز دے کر 4 وکٹیں حاصل کیں۔ ان کے علاوہ محمد صائم، عبدالسبحان اور حزیفہ احسن نے 2،2 وکٹیں حاصل کیں۔
پاکستان کے سمیر منہاس کو ناصرف میچ کا بلکہ ٹورنامنٹ کے بھی بہترین کھلاڑی کا ایوارڈ دیا گیا۔
پاکستان انڈر 19 ایشیا کپ کا ٹائٹل دوسری مرتبہ جیتنے میں کامیاب ہوا ہے۔ پاکستان اور بھارت 2012 کے ایونٹ میں مشترکہ طور پر فاتح رہے تھے۔