آج ملک بھرمیں موسم کیسا رہے گا؟ محکمہ موسمیات کی پیشگوئی

آج موسم کیسارہے گا؟محکمہ موسمیات نے ملک کے مختلف شہروں میں ہلکی بارش جبکہ پہاڑوں پر برفباری کی نوید سنا دی۔
محکمہ موسمیات کا کہنا ہے کہ آج منگل کے روز گلگت بلتستان ، کشمیر، بالائی خیبر پختونخوا ، مری اور گلیات میں مطلع ابر آلود رہنے کے علاوہ بارش کا امکان ہے۔
محکمہ موسمیات کےمطابق پنجاب کے دارالحکومت لاہور سمیت صوبے کے مختلف شہروں میں فضائی آلودگی کی شدت آج بھی انتہائی مضرِ صحت ہے۔آج صبح ریکارڈ کیے گئے فضائی معیار کے مطابق دنیا کے بڑے آلودہ ترین شہروں میں فہرست میں لاہور کا دوسرا نمبر ہے۔
عالمی ماحولیاتی ویب سائٹ کے مطابق لاہور کی فضا میں آلودگی کی مقدار 324 پارٹیکیولیٹ میٹر ریکارڈ کی گئی ۔اے کیو آئی کی ریٹنگ کے مطابق151 سے 200 انڈیکس مضر،201 سے 300 انتہائی مضر جبکہ301 سے اوپر انڈیکس خطرناک آلودگی ظاہر کرتی ہے۔