ویمنز ٹی ٹونٹی ورلڈ کپ ، ٹکٹوں کی فروخت نے2017 ورلڈ کپ کا ریکارڈ توڑ دیا

انگلینڈ میں رواں سال ہونے والے ویمنز ٹی ٹونٹی ورلڈ کپ کے ٹکٹوں کی فروخت نے ایک نیا سنگِ میل عبور کر لیا ہے۔
آئی سی سی جلد ویمنز ٹی ٹوئنٹی ورلڈکپ 2026 کے ڈیڑھ لاکھ ٹکٹ کی فروخت کا سنگ میل عبور کرلے گی، جو 2017 میں انگلینڈ میں ہونے والے 50 اوورز ورلڈ کپ کی مجموعی فروخت سے زیادہ ہیں۔
افتتاحی میچ میزبان انگلینڈ اور سری لنکا کے درمیان برمنگھم میں ہوگا۔
ایونٹ کے آغاز میں اگرچہ ابھی 30 یوم باقی ہیں لیکن یہ ریکارڈ ٹکٹس کی فروخت کا ایونٹ بن چکا ہے۔
جس رفتار سے ٹکٹوں کی فروخت جاری ہے حکام کو یقین ہے کہ جلد ڈیڑھ لاکھ کا سنگ میل بھی عبور ہوجائے گا۔
اس سے قبل آسٹریلیا میں 2020 میں منعقدہ ایڈیشن میں ایک لاکھ 36 ہزار 549 ٹکٹس کی فروخت کا ریکارڈ بنا تھا۔
واضح رہے کہ وارم اپ میچز میں پاکستانی ٹیم کا 6 جون کو ڈربی میں سری لنکا سے سامنا ہوگا، 9 جون کو ڈربی میں ہی اسکاٹ لینڈ کی ٹیم گرین شرٹس کے مقابل ہوگی۔