یوٹیوب میں صارفین کیلئے خاموشی سے دلچسپ تبدیلی متعارف

یوٹیوبرز کیلئے خوشخبری ،یوٹیوب میں صارفین کیلئے خاموشی سے دلچسپ تبدیلی کر دی گئی۔
دنیا بھر میں مقبول ویڈیو شیئرنگ پلیٹ فارم یوٹیوب میں نئے لائیک بٹن کو متعارف کروادیا گیا ۔فی الحال یہ نیا لائیک بٹن مخصوص ویڈیوز تک محدود ہے، جس پر کلک کرنے پر مختصر انیمیشن کو دیکھنے کا موقع ملے گا۔اس وقت 20 مختلف انیمیشنز دستیاب ہیں، جن کا انحصار اس پر ہوتا ہے کہ صارفین کس طرح کی ویڈیو دیکھ رہے ہیں۔اگر آپ گاڑیوں یا آٹو ریسنگ سے متعلق ویڈیو دیکھ رہے ہیں تو لائیک بٹن مختصر وقت کیلئے سپننگ، دھواں چھوڑنے والے ٹائر کا انیمیشن دکھائے گا۔اگر آپ کوئی تعلیمی ویڈیو دیکھ رہے ہیں تو لائیک بٹن روشن بلب میں تبدیل ہو جائے گا۔
پالتو جانوروں کی ویڈیوز کیلئے بھی لائیک بٹن انیمیشنز دستیاب ہوں گے، تاہم بچوں کی ویڈیوز کیلئے ابھی ایسا کوئی لائیک بٹن تیار نہیں کیا گیا۔
کمپنی نےاس فیچر کا اعلان اکتوبر 2025 کے وسط میں یوٹیوب یوزر انٹرفیس میں مختلف تبدیلیوں کے ساتھ کیا گیا تھا اوراب اس نئے لائیک بٹن کو متعارف کروانے کا سلسلہ شروع کر دیا  ہے۔