سائنسدانوں نے مصنوعی ذہانت سے شاعر کیمرہ ایجاد کر لیا

0
21

پاکستان ٹوڈے: سائنسدانوں نے مصنوعی ذہانت سے شاعر کیمرہ ایجاد کر لیا۔

تفصیلات کے مطابق بمصنوعی ذہانت میں مزید جدت پیدا کرنے کی تگ و دو میں مصروف سائنسدانوں نے ایک ایسا کیمرہ تیار کر لیا ہے، جسے شاعر کیمرے کا نام دیا گیا ہے۔پہلے پہل مصنوعی ذہانت کا استعمال ویڈیوز، آڈیوز، تصاویر اور متن لکھنے کیلئے کیا جاتا تھا، لیکن اب ایک ایسا کیمرہ تیار کر لیا گیا ہے ،جو شاعرانہ انداز میں لفاظی بھی کر سکے گا۔

مصنوعی ذہانت سے چلنے والا یہ شاعر کیمرہ آپ کی تصاویر اور بیک گراؤنڈ میں نظر آنے والے خوبصورت مناظر کو دلفریب منظوم انداز میں بدل کر پیش کرتا ہے اور اس کیلئے یہ کیمرہ جی پی ٹی فور کا استعمال کرتا ہے۔ٹیک کرنچ کی رپورٹ کے مطابق ویسے دیکھنے میں تو پوئٹری کیمرہ ایک عام سے پولرائڈ کیمرے کی طرح لگتا ہے ،مگرتصاویر لینے کی بجائے یہ کیمرہ سینسر کے ذریعہ حاصل کی گئی تصاویر اور مناظر کو آسان اور تعریفی انداز میں شاعری میں تبدیل کر دیتا ہے۔

کیمرے میں موجود سنگل بورڈ کمپیوٹر رسبیری پائی تصاویر کا تجزیہ کرتا ہے اور اعداد و شمار کی تلاش کے بعد یہ اے آئی کو یہ مناظر بھیج دیتا ہے ،جو تصویر میں موجود رنگوں، مناظر، نمونوں اور جذبات جیسی چیزوں کی شناخت کر کے اس پر شاعری لکھ کر آپ کو پرنٹ دے دیتا ہے۔

ٹیک کرنچ کے مطابق پوئٹری کیمرے کے بنانے والوں کا کہنا ہے کہ یہ آلہ صرف ایک شاعری کی شکل تک محدود نہیں ، چونکہ ڈیوائس کوڈ اوپن سورس ہے، لہٰذا صارفین مختلف اختیارات جیسے سونیٹس، مفت لائرک کا انتخاب بھی کر سکتے ہیں۔

Leave a reply