شاہ رخ خان کااپنےماضی کے بارےمیں انوکھاانکشاف

بالی ووڈ فلم انڈسٹری میں کنگ خان کےنام سےشہرت رکھنےوالےشاہ رخ خان نےاپنےماضی کےبا رے میں انوکھاانکشاف کیا۔
بھارتی میڈیا رپورٹس کے مطابق حال ہی دبئی میں ہونےوالی تیسری گلوبل فریٹ سمٹ کے دوران بھارتی اداکارشاہ رخ خان نے اپنے کیرئیر سمیت نجی زندگی کے کئی پہلوؤں سے پردہ اٹھایا۔
تقریب میں گفتگوکرتےہوئےبالی ووڈکنگ شاہ رخ خان نےانکشاف کرتےہوئےبتایاکہ ’جب میں سیٹ پر آیا تو مجھے لگا کہ میں ایک بہترین ایکٹر ہوں اور پھر اس سوچ نے مجھے زیادہ پراعتماد کردیا لیکن پھر مجھے احساس ہوا کہ سیٹ پر موجود ہر شخص مجھ سے بہتر ایکٹنگ کو جانتا ہے‘۔
اداکارکامزیدکہناتھاکہ میں نےبالی ووڈ کوخیربادکہنےکافیصلہ کرلیاتھاپھر اس کے بعد میں نے دہلی واپسی کیلئے پہلی فلائٹ بک کروالی، مجھے آج بھی یاد ہے کہ اس وقت انٹرنیشنل فلائٹ 25 فیصد سستی ہوتی تھی کیونکہ میں اس سے مہنگی دوسری فلائٹ افورڈ نہیں کرسکتا تھا۔‘
بالی وڈ کنگ نے مزید بتایا کہ ’اس کے بعد میں جلدی سے ائیرپورٹ پہنچا، میں نے ٹکٹ خریدا کیوں کہ میں گھر جانا چاہتا تھا اور مجھے احساس ہوگیا تھا کہ میں ایک بہت برا ایکٹر ہوں‘۔
شاہ رخ خان کا کہنا تھا کہ ’میرے نزدیک روزانہ جاگنا صرف اس بات کا احساس دیتا ہے کہ مجھے بہت کچھ سیکھنے کی ضرورت ہے، اس کے بعد میں نے ہر بار اور بار بار سیکھا جس نے مجھے احساس دلایا کہ مجھ میں کیا برائی ہے، اپنے کیرئیر کے 35 سالوں کے دوران جب بھی میں سیٹ پر گیا، مجھے احساس ہوا اور بھی کتنا کچھ ہے جو مجھے جاننا ہے‘۔