ملک میں آج موسم شدید گرم رہنے کا امکان

گزشتہ روز ملک میں درجہ حرارت جیکب آباد میں 47 ڈگری سینٹی ریکارڈ کیا گیا۔

محکمہ موسمیات کی تفصیلات کے مطابق گزشتہ روز سبی اور دادو میں درجہ حرارت 46، موہن جودڑو، خیرپور، ڈی جی خان میں 45، رحیم یار خان، سکھر، اوکاڑہ، نوابشاہ کوٹ ادو، خانیوال، ڈی آئی خان، دالبندین میں 44، مظفر آباد 42، لاہور 41، اسلام آباد، پشاور 39، کوئٹہ 38، کراچی 35 اور گلگت میں 31 ڈگری سینٹی ریکارڈ کیا۔

اسلام آباد، پنجاب کے بعض علاقوں، خیبر پختونخوا، گلگت بلتستان اور کشمیر میں آندھی، جھکڑ اور بارش کی پیش گوئی کی گئی, ملک کے بیشتر علاقوں میں آج موسم گرم اور جنوبی علاقوں میں شدید گرم رہنے کا امکان ہے ۔