گوگل کی’’ ہیلپ می رائٹ‘‘ فیچر میں نئی زبانوں کی سپورٹ متعارف

گوگل کے صارفین کیلئے خوشخبری،معروف ٹیکنالوجی کمپنی نے ’’ہیلپ می رائٹ‘‘ فیچر میں نئی زبانوں کی سپورٹ متعارف کروادی۔
اب اے آئی فیچر کی مدد سے صارفین ایک کلک کے ساتھ نئے ای میل ڈرافٹس تیار کر سکتے ہیں۔گوگل نے اگست 2024 میں اپنے مصنوعی ذہانت پر مبنی ماڈل جیمنائی پر مبنی ہیلپ می رائٹ فیچر متعارف کروایا تھا، جو جی میل صارفین کو ای میل تحریر کرنے میں مدد فراہم کرتا ہے۔اب اس فیچر کو مزید بہتر بناتے ہوئے گوگل نے متعدد نئی زبانوں کی سپورٹ شامل کرنے کا اعلان کیا ہے، جس سے صارفین اپنی مادری زبان میں ای میلز تحریر کر سکیں گے۔
اس فیچر کے ذریعے صارفین ایک کلک کے ساتھ نئے ای میل ڈرافٹس تیار کر سکتے ہیں یا چند الفاظ فراہم کرکے مکمل ای میلز لکھوا سکتے ہیں۔پہلے یہ سہولت صرف انگریزی، ہسپانوی اور پرتگالی زبانوں تک محدود تھی،مگر اب گوگل نے جاپانی اور کورین کے ساتھ ساتھ فرنچ، جرمن اور اطالوی زبانوں کی سپورٹ بھی شامل کر دی ہے۔
اس اپ ڈیٹ سے مختلف زبانوں میں ای میلز تحریر کرنا یا انہیں بہتر بنانا اب پہلے سے کہیں زیادہ آسان ہو جائے گا۔
گوگل کے مطابق اس فیچر کو استعمال کرنے کیلئے صارفین کو اپنے ای میل ڈرافٹ کا آغاز کم از کم 12 الفاظ سے کرنا ہوگا، جس کے بعد “پالش” کا آپشن ظاہر ہوگا۔یہ اقدام عالمی صارفین کیلئے جی میل کے تجربے کو مزید سہل اور جامع بنانے کی جانب اہم پیشرفت ہے۔