آئی ایم ایف کامثبت ردعمل معاشی ترقی کیلئے خوش آئندہے،مریم نواز

وزیراعلیٰ پنجاب مریم نوازنےکہاہےکہ بین الاقوامی مالیات فنڈ(آئی ایم ایف)کامثبت ردعمل معاشی ترقی کےلئے خوش آئندہے۔
وزیراعلیٰ پنجاب مریم نوازنےآئی ایم ایف ایگزیکٹوبورڈاجلاس کےلئے وزیراعظم شہبازشریف کی مخلصانہ کاوشوں کوخراج تحسین پیش کیا۔
وزیراعلیٰ مریم نوازکاکہناتھاکہ وزیراعظم شہبازشریف اورانکی ٹیم نےمعاشی بحران سے نمٹنے کےلئے ناقابل فراموش کردار ادا کیا ۔پاکستان کی معیشت بلند پرواز کے لئے ٹیک آف پوزیشن میں آ چکی ہے ۔ آئی ایم ایف کا حالیہ پروگرام آخری ثابت ہوگا۔ وہ وقت دور نہیں جب پاکستان کا معاشی قوت کے طور پر ظہور ہوگا۔ مسلم لیگ ن کی حکومت نواز شریف کی قیادت میں عوام کی معاشی مشکلات کے حل کے لئے کوشاں ہے۔
مریم نوازکامزیدکہناتھاکہ معیشت کا مستحکم ہونے کے بعد ترقی کی جانب گامزن ہونا خوش آئند امر ہے۔ مسلم لیگ ن ہی پاکستان کے عوام کی امیدوں کا محور ہے۔حکومتی معاشی پالیسی ریٹ میں کمی سے کاروبار اور معیشت پر مثبت اثرات مرتب ہونگے۔ سرمایہ کاروں کا اعتماد دن بدن بڑھ رہا ہے۔پنجاب میں ضروری اشیاء خوردونوش کے نرخ دیگر صوبوں کی نسبت سب سے کم ہیں۔مہنگائی میں کمی آنے سے عوام نے سکھ کا سانس لیا۔