چیٹ جی پی ٹی کے صارفین کی تعداد میں حیران کُن اضافہ ریکارڈ

اوپن اے آئی چیٹ جی پی ٹی کے صارفین کی تعداد میں حیران کُن اضافہ ریکارڈ، مصنوعی ذہانت کی حامل ایپلی کیشن کے ہفتہ وار صارفین کی تعداد 200 ملین تک جا پہنچی۔
اوپن اے آئی کی ایک رپورٹ کے مطابق چیٹ جی پی ٹی کے استعمال کیلئے اکاؤنٹ کی شرط ختم کرنے کے بعد صارفین کی تعداد میں تیزی سے اضافہ ہوا ہے۔ اس کے چیٹ بوٹ چیٹ جی پی ٹی کے اب 200 ملین سے زائد ہفتہ وار فعال صارفین ہیں۔
رپورٹ کے مطابق صارفین کی تعداد گزشتہ برس کے مقابلے میں دگنی ہوگئی ہے۔ شروع میں اسے بہت کم لوگوں نے استعمال کیا، لیکن جوں جوں لوگوں کو اس کی اہمیت اور افادیت کا اندازہ ہو رہا ہے، اس کے صارفین کی تعداد میں بتدریج اضافہ ہو رہا ہے۔
چیٹ جی پی ٹی کا اجرا 2022 میں ہوا اور یہ چیٹ بوٹ صارف کے پوچھنے پر انسانی طرز کے جوابات تیار کر سکتا ہے۔