آئی سی سی ویمنز کرکٹ ورلڈ کپ،پاکستان نے15رکنی اسکواڈ کااعلان کردیا

انٹرنیشنل کرکٹ کونسل (آئی سی سی)ویمنزکرکٹ ورلڈکپ کے لئے پاکستان نےفاطمہ ثناکی قیادت میں 15رکنی اسکواڈ کااعلان کردیا۔
فاطمہ ثنا پہلی مرتبہ ون ڈے ورلڈکپ میں کپتانی کریں گی،جبکہ ایمان فاطمہ پہلی بار پاکستان ورلڈکپ اسکواڈ میں شامل ہوں گی،نتالیہ پرویز، رامین شمیم، صدف شمس، سعدیہ اقبال، شوال ذوالفقاراور سیدہ عروب شاہ بھی پہلی بار ون ڈے ورلڈکپ کھیلیں گی۔
آئی سی سی ورلڈ کپ کوالیفائرا سکواڈ میں دو تبدیلیاں کی گئیں، گل فیروزہ اور نجيحہ علوی کوٹیم سےباہرنکل دیاگیا۔15 رکنی ا سکواڈ جنوبی افریقہ سے تین ون ڈے انٹرنیشنل بھی کھیلے گا۔
پاکستان ویمنزاورجنوبی افریقہ ویمنزکی ون ڈے سیریز لاہور میں 16 سے 22 ستمبر تک ہوگی۔جنوبی افریقہ وویمنز ٹیم 12 ستمبر کو لاہور پہنچے گی۔
وویمنز کرکٹ ورلڈ کپ بھارت اور سری لنکا میں 30 ستمبر سے دو نومبر تک شیڈول ہے۔جبکہ پاکستان ویمنز کے تمام ورلڈ کپ میچز سری لنکاشہرکےکولمبومیں ہوں گے۔

قومی اسکواڈ میں فاطمہ ثنا (کپتان)، منیبہ علی صدیقی، عالیہ ریاض، ڈیانا بیگ شامل ہیں جبکہ ایمان فاطمہ، نشرا سندھو، نتالیہ پرویز، عمائمہ سہیل ،رامین شمیم بھی ا سکواڈ کا حصہ ہیں۔
صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ بھی قومی اسکواڈ میں شامل ہیں۔ نان ٹریولنگ ریزروز میں گل فیروزہ، نجيحہ علوی، طوبہ حسن، امِ ہانی اور وحیدہ اختر شامل ہیں۔