انسٹاگرام صارفین کیلئے خوشخبری: ریلز کیلئے نئی ایپ لانچ کرنے پر غور

انسٹاگرام کے صارفین کیلئے خوشخبری،انسٹاگرام کی ریلز کیلئے نئی ایپ لانچ کرنے پر غور،میٹا کی زیر ملکیت فوٹو اینڈ ویڈیو شیئرنگ ایپ انسٹاگرام امریکا میں ٹک ٹاک کے غیر یقینی مستقبل کا بھرپور فائدہ اُٹھانے کیلئے تیارہے۔
میڈیا رپورٹ میں میٹا کے ایک سٹاف ممبر کا حوالہ دیتے ہوئے بتایا گیا ہے کہ کمپنی انسٹا ریلز ،یعنی مختصر ویڈیوز کیلئے ایک علیحدہ ایپ لانچ کرنے پر غور کر رہی ہے۔ میٹا نے اس سے قبل 2018 میں بھی ٹک ٹاک کے مقابلے میں لاسو نامی سٹینڈ سٹون ویڈیو شیئرنگ ایپ لانچ کی تھی، لیکن وہ کامیاب نہ ہوسکی تو کمپنی نے اسے بند کر دیا تھا۔
اس کے علاوہ گزشتہ ماہ میٹا نے کانٹینٹ کری ایٹرز کیلئے ایڈٹس کے نام سے چینی کمپنی بائٹ ڈانس کی ایپ کیپ کٹ کی ٹکر میں نئی ایپ متعارف کروانے کا اعلان بھی کیا تھا۔
انسٹاگرام کے سربراہ ایڈم موسیری نے خود اس ایپ کے جلد متعارف کروائے جانے کی تصدیق بھی کی تھی اور ا ب ا نسٹاریلز کیلئے نئی ایپ لانچ کرنے پر غور بھی اسی سلسلے کی ایک کڑی ہے۔