ایشین جونیئرکپ ہاکی ٹورنامنٹ میں شرکت کیلئےپاکستانی ٹیم مسقط روانہ

ایشین جونیئرکپ ہاکی ٹورنامنٹ میں شرکت کیلئےپاکستانی 18رکنی ٹیم عبدالحنان کی قیادت میں مسقط روانہ ہوگئی۔
عمان کےدارالحکومت میں 26نومبرسےایشین جونیئرکپ ہاکی ٹورنامنٹ کامیلہ سجےگاجوکہ 4 دسمبر 2024 تک جاری رہےگاایونٹ میں 10ٹیمیں شرکت کرینگی۔
ایونٹ میں 10ٹیموں کوجونیئرکپ ہاکی ٹورنامنٹ کےکوالیفائنگ راونڈکی حیثیت حاصل ہے، پہلی 6 پوزیشن پانے والی ٹیمیں ایف آئی ایف کے تحت اگلے برس ہونے والے عالمی جونیئر کپ میں شرکت کی حامل ہوں گی۔
ایشین جونیئرکپ کے لیے قومی جونیئر اسکواڈ کی قیادت عبدالحنان کر رہے ہیں، انٹرنیشنل ہاکی فیڈریشن کا رائزنگ اسٹار ایوارڈ جیتنے والے پہلے پاکستانی کھلاڑی سفیان خان نائب کپتان ہیں۔
قومی جونیئر ہاکی اسکواڈ فیضان جنجوعہ، علی رضا( گول کیپرز)، سفیان خان، عقیل احمد، بلال اسلم، ندیم خان، محمد زین، وسیم، سمیع(ڈیفینڈرز)ذکریا حیات، محمد احمد مدی، عبدالحنان شاہدِ(مڈ ڈیفینڈر)، مغیرہ، رانا ولید، حمزہ فیاض، بشارت، قیوم ڈوگر اور سیف اللہ( فارورڈز) پر مشتمل ہے۔
ایشین جونیئرکپ میں شامل 10ٹیموں کودوگروپوں میں تقسیم کیاگیاہےجس میں گروپ اےمیں دفاعی چیمپئین بھارت،جاپان،جنوبی کوریا،تھائی لینڈ او چائینیز تائپے پر مشتمل ہے جبکہ گروپ بی میں پاکستان، بنگلا دیشں، چین، ملائشیا اور میزبان عمان کی ٹیمیں شامل ہیں۔
ایونٹ میں پاکستان اپناپہلامیچ 27نومبرکوچین کےساتھ کھیلےگا، اگلے روز دوسرے میچ میں بنگلا دیشں سے مقابلہ ہوگا، 30 نومبرکو قومی جونیئر ٹیم اپنے تیسرے میچ میں ملائشیا سے مقابلہ کرے گی۔