ایپل کا نئے آئی فونز کی قیمتیں بڑھانے کا عندیہ،تاہم بیٹری لائف بہتر ہو گی

ایپل کے صارفین کیلئے اہم خبر،ایپل کا نئےآئی فون 17 سیریزکی قیمتیں بڑھانے کا عندیہ،تاہم خوشخبری یہ ہے کہ آئی فون کی بیٹری لائف بہت زیادہ بہتر ہو جائے گی۔
ایپل نے اپنے نئے آنیوالے آئی فون 17 سیریز کی قیمتوں میں اضافہ کرنے کا منصوبہ بنالیا۔
وال سٹریٹ جرنل کی رپورٹ کے مطابق معروف ٹیکنالوجی کمپنی ایپل آئی فون 17 سیریز میں نئے فیچرز، منفرد ڈیزائن اور ایک خاص ماڈل iPhone 17 Air کی شمولیت کے باعث قیمتوں میں اضافہ متوقع ہے۔ یہ نیا ماڈل ممکنہ طور پر کمپنی کے جدید ترین، ہلکے وزن اور سمارٹ فیچرز سے لیس فونز میں شامل ہوگا۔
دوسری طرف بلوم برگ کی ایک رپورٹ کے مطابق ایپل کے آئی فونز کیلئے نئے آپریٹنگ سسٹم آئی او ایس 19 میں ایک اے آئی فیچر کو متعارف کرایا جا رہا ہے، جو بیٹری لائف کو بہتر بنائے گا۔اس فیچر سے آئی فون کی جانب سے بیٹری پاور خرچ کرنے کے عمل کو زیادہ بہتر کیا جائے گا۔آئی او ایس 19 کو ستمبر میں آئی فون 17 سیریز کے ماڈلزکے ساتھ متعارف کرایا جائے گا۔
رپورٹ کے مطابق آئی او ایس 19 میں لاک سکرین کیلئے ایک انڈیکٹر بھی متعارف کرایا جا رہا ہے، جو یہ بتائے گا کہ صارف کا مکمل چارج فون کتنے وقت تک چلے گا۔