بھارتی ٹیسٹ ٹیم کے کپتان شبمن گل نےاعزازنام کرلیا

بھارتی ٹیسٹ ٹیم کے کپتان شبمن گل کابڑاکارنامہ ، منفرد اعزاز حاصل کرلیا۔
آئی سی سی نے جولائی کے پلیئرآف دی منتھ کا اعلان کیا جس میں بھارت کے شبمن گل کامیاب قرار پائے۔جولائی میں انگلینڈ کی ٹیم کے خلاف ٹیسٹ میچوں میں شاندار بیٹنگ کے باعث شبمن گل کو آئی سی سی پلیئر آف دی منتھ کے ایوارڈ سے نوازا گیا۔
25سالہ شبمن گل نے جولائی میں انگلینڈ کے خلاف 3 ٹیسٹ میچوں میں 94.50 کی شاندار اوسط کے ساتھ 567 رنز بنائے جس میں ایک ڈبل سنچری اور 2 سنچریاں شامل تھیں۔پلیئر آف دی منتھ ایوارڈ جیتنے کے بعد گل نے منفرد اعزاز بھی حاصل کیا۔
آئی سی سی کے مطابق شبمن گل مینز کرکٹ ٹیم کے واحد کھلاڑی ہیں جنہوں نے 4 مرتبہ آئی سی سی پلیئر آف دی منتھ ایوارڈ جیتا۔