تیسراون ڈے:پاکستان کوعبرتناک شکست،ویسٹ انڈیزنےسیریزجیت لی

تیسرےون ڈےمیں پاکستان کومیزبان ٹیم کےہاتھوں عبرتناک شکست کا سامنا ،ویسٹ انڈیزنےسیریز2-1سےجیت لی۔
تین میچوں کی ون ڈےسیریزویسٹ انڈیزنےجیت لی،پاکستانی کرکٹ ٹیم کو بدترین شکست ، ویسٹ انڈیز نے پاکستان کیخلاف 34سال بعد ون ڈے سیریز جیت لی ۔ پاکستانی کرکٹ ٹیم کو فیصلہ کن ون ڈے میں بدترین شکست کاسامناکرنا پڑا۔تیسرےاورفیصلہ کن میچ میں قومی کرکٹ ٹیم 295رنزہدف کےتعاقب میں 92رنزبنا کرآل آؤٹ ہو گئی ۔
ویسٹ انڈیز نے پاکستان کو جیت کے لیے 295 رنز کا ہدف دیا۔جواب میں پاکستان کی بیٹنگ لائن ریت کی دیوار ثابت ہوئی اور پوری ٹیم 92 رنز پر ڈھیر ہوگئی۔
پاکستان کے خلاف ویسٹ انڈیز نے مقررہ50 اوورز میں 6 وکٹ کے نقصان پر 294 رنز بنائے ۔ پاکستان کی جانب سے نسیم شاہ نے 10 اوورز میں 72 رنز کے عوض 2 وکٹیں حاصل کیں، ابرار احمد نے 34 رنز دےکر 2 کھلاڑیوں کو آؤٹ کیا جبکہ محمد نواز اور صائم ایوب نے ایک ایک وکٹ لی۔
ویسٹ انڈیز کے 295 رنز کے ہدف کے جواب میں پاکستان کی بیٹنگ لائن ویسٹ انڈین بولرز کا کھل کر سامنا نہ کرسکی اور پوری ٹیم 30 ویں اوور میں صرف 92 رنز پر ڈھیر ہوگئی۔
ویسٹ انڈیز کی اننگز:
کپتان شائی ہوپ 94 گیندوں پر 120 جبکہ جسٹن گرویوز 24 گیندوں پر 43 رنز بنا کر ناٹ آؤٹ رہے۔
ایون لوئس نے 37 اور روسٹن چیز نے 36 رنز کی اننگز کھیلی۔
پاکستان کی اننگز:
پاکستانی بیٹر صائم ایوب، عبداللہ شفیق، محمد رضوان، حسن علی اور ابراراحمد صفر پر آؤٹ ہوئے۔
سلمان علی آغا 30، حسن نواز 13 اور بابر اعظم 9 رنز بنا سکے جبکہ محمد نواز 23 رنز بنا کر ناٹ آؤٹ رہے۔ نسیم شاہ نے 6 اور حسین طلعت نے ایک رن بنایا۔