حکومت نےپیٹرولیم مصنوعات کی قیمتوں میں ردوبدل کردیا

مہنگائی سےپریشان صارفین کےلئے خوشخبری،وفاقی حکومت نےآئندہ پندرہ روزکےلئےپیٹرولیم مصنوعات کی قیمتوں میں ردوبدل کردیا۔نوٹیفکیشن جاری کردیاگیا۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
وفاقی حکومت کی جانب سےجاری کردہ نوٹیفکیشن کےمطابق پیٹرول کی قیمت آئندہ پندرہ روزکے لئے برقراررکھی گئی ہے،جس کےمطابق فی لیٹرپیٹرول کی قیمت 264 روپے 61 پیسے برقرار رکھا گئی ہے۔
ہائی سپیڈڈیزل کی قیمت 3روپےفی لیٹرتک کم کردی گئی ،جس کےبعدہائی سپیڈ ڈیزل کی فی لیٹرقیمت269 روپے99پیسےفی لیٹرہوگئی ہے۔جبکہ لائٹ ڈیزل آئل کی قیمت 2 روپے 40 پیسے کی کمی کے بعد 159 روپے 76 پیسے مقرر کی گئی ہے۔اسی طرح مٹی کے تیل کی قیمت ایک روپے 46 پیسے کمی کے بعد 176 روپے 81 پیسے مقرر کی گئی ہے۔
یاد رہے کہ حکومت نے نئےمالی سال کےآغازپرپیٹرول کی قیمت میں 8روپے 36پیسےفی لیٹراضافہ کیاتھا جس سےپیٹرول کی نئی قیمت 266روپے 79پیسےفی لیٹرہوگئی تھی جبکہ ہائی سپیڈ ڈیزل 10روپے39 پیسے فی لیٹرمہنگا ہونے سےہائی سپیڈڈیزل کی نئی قیمت 272روپے98پیسےفی لیٹرہوگئی تھی۔پھرجولائی کے آخری سولہ روزکےلئےقیمتوں میں اضافہ کیاگیاتھا۔وفاقی حکومت کی جانب سےماہ اگست کےپہلے پندرہ روزکیلئےپیٹرولیم مصنوعات کی قیمتوں میں ردوبدل کیاگیاتھاجس میں پیٹرول کی قیمت میں 7 روپے 54پیسےکمی کی گئی تھی جس کےبعدپیٹرول کی نئی قیمت264روپے61پیسےفی لیٹرمقرر کی گئی تھی۔جبکہ ہائی سپیڈڈیزل کی قیمت میں1روپے48پیسےفی لیٹر اضافہ کیاگیاتھا۔جس سےڈیزل کی نئی قیمت 285روپے83پیسےفی لیٹرمقرر کردی گئی تھی۔