دنیا کی پہلی اے آئی وزیرڈئیلا کاالبانوی پارلیمنٹ سے خطاب

کیااب روبوٹ انسانوں پر حکمرانی کریں گے؟،دنیا کی پہلی مصنوعی ذہانت سے بنی وزیر نے پارلیمنٹ سے خطاب کردیا۔
میڈیارپورٹس کے مطابق البانیہ کی اے آئی وزیر ڈئیلا نے اپنے خطاب میں کہا ہے کہ وہ صرف انسانوں کی مدد کیلئے ہے، اس کا مقصد انسانوں کی جگہ لینا بالکل نہیں ۔البانوی زبان میں ڈئیلا کا مطلب سورج ہے، اے آئی وزیر ببڈئیلا کو البانیہ کے روایتی لباس میں خاتون کی شکل میں تیار کیا گیا ہے، جبکہ اس کی آواز اور چہرہ البانیہ کی اداکارہ انیلا بشا سے ملتا ہے۔
دنیا کی پہلی اے آئی وزیر ڈئیلا کو البانیہ کی قومی ایجنسی فار انفارمیشن سوسائٹی نے مائیکرو سافٹ کی مدد سے تیار کیا ہے، البانیہ کے وزیر اعظم ایدی راما نے 12 ستمبر کو اپنی چوتھی حکومت کی کابینہ میں ڈئیلا کو وزارت برائے عوامی خرید کے منصب پر فائز کیا تھا ۔اس حوالے سے اہم اورخاص بات یہ ہے کہ البانیہ یورپی یونین میں شامل ہونے کے راستے پر گامزن ہے اور بدعنوانی کو ختم کرنے کیلئے اے آئی وزیر ڈئیلا سے مدد حاصل کررہا ہے، اسی لیے اے آئی وزیرڈئیلا کو سرکاری ٹنڈر کے عمل میں شفافیت لانے اور بدعنوانی کو ختم کرنے کیلئے تعینات کیا گیا ہے۔