زرتاج گل کا نام ای سی ایل سے نکال دیا جائے: اسلام آباد ہائیکورٹ

اسلام آباد: اسلام آباد ہائیکورٹ نے پی ٹی آئی رہنما زرتاج گل کانام ای سی ایل سےنکالنے کا حکم دے دیا اور ایک ہفتے میں رپورٹ طلب کرلی۔

تفصیلات کے مطابق اسلام آباد ہائی کورٹ میں پی ٹی آئی رہنما زرتاج گل کا نام ای سی ایل سےنکالنےکی درخواست پرسماعت ہوئی۔

رپورٹ میں بتایا گیا کہ ایف آئی آرکاریکارڈ پیش کردیاگیا ، 2 مقدمات میں نام ہے ، جس پر جسٹس طارق محمود نے کہا کہ دہشتگردوں کانام توآپ ڈالتےنہیں،عدالت میں ارکان اسمبلی آرہے ہیں۔

جس پر عدالت نے کہا کہ چھوٹےالزامات ہیں،تمام قابل ضمانت ہیں اورنام ای سی ایل میں ڈال دیتےہیں ، ابھی نام نکال رہے ہیں،آئندہ ان کو بھی بلائیں گے جو منظوری دیتے ہیں۔

عدالت نے استفسار کیا 2ہی مقدمات ہیں کیا،دونوں میں ضمانت پر ہیں ؟ وکیل نے بتایا کہ جی دونوں مقدمات میں ضمانت پر ہیں۔

اسلام آبادہائیکورٹ کازرتاج گل کانام ای سی ایل سےنکالنےکاحکم دیتے ہوئے اسسٹنٹ اٹارنی جنرل کوایک ہفتے میں نام نکال کر رپورٹ پیش کرنے کا حکم دے دیا۔