شعیب شاہین کانام سفری پابندی لسٹ سےنکال دیاگیا

تحریک انصاف کےرہنماشعیب شاہین کانام سفری پابندی لسٹ سےنکال دیاگیا۔
اسلام آبادہائیکورٹ کے جسٹس ارباب محمد طاہر نے پی ٹی آئی رہنما شعیب شاہین کا نام سفری پابندی کی فہرست سے نکالنے کی درخواست پر سماعت کی۔شعیب شاہین عدالت میں پیش ہوئےجبکہ نمائندہ پاسپورٹ آفس بھی عدالت میں پیش ہوا۔
شعیب شاہین  کہاکہ پہلے میرا نام پی آئی این ایل میں ڈالا گیا تھا،عدالتی حکم پر ایف آئی اے نے لسٹ سے میرا نام نکال دیا،سیاسی انتقام کا نشانہ بنانے کیلئے میرا نام پاسپورٹ کنٹرول لسٹ میں دوبارہ ڈالا گیا۔
ایف آئی اےنےکہاکہ ہماری طرف سے شعیب شاہین کا نام کسی لسٹ میں نہیں۔
نمائندہ پاسپورٹ آفس نےکہاکہ شعیب شاہین کا نام غلطی سے لسٹ میں ڈالا گیا تھا جو اب کلیئر کردیا گیا، شعیب شاہین کا پاسپورٹ ایکٹیو کردیا گیا، غلطی پر معافی چاہتے ہیں۔
جسٹس ارباب محمد طاہر نےریمارکس دئیےکہ اگر نام دوبارہ کسی لسٹ میں ڈالا گیا تو توہین عدالت ہوگی۔
عدالت نے کیس کی مزید سماعت 13 جنوری تک کیلئے ملتوی کر دی۔