شہباز ، مریم بہترین کام کررہے ہیں، ہر کام میرٹ پر ہو رہا ہے، نوازشریف

مسلم لیگ ن کے صدر اور سابق وزیراعظم نواز شریف نےکہاہےکہ شہبازشریف اورمریم نوازبہترین کام کررہے،پاکستان میں ہرکام میرٹ پرہورہاہے۔
لندن میں صحافیوں سےگفتگوکرتےہوئےصدرمسلم لیگ میاں محمدنوازشریف کا کہناتھاکہ میری صحت بلکل ٹھیک ہے غلط خبریں پھیلائی گئیں۔ پی ٹی آئی کی غلط پالیسیوں کی وجہ سے پاکستان اس مقام تک پہنچا، پاکستان کو دیوالیہ ہونے سے ہم نے بچایا، قومی ائیرلائن بند کروانے والے کےخلاف قانونی کارروائی ہونی چاہیے۔
اُن کامزیدکہناتھاکہ ہم نے پاکستان کو اوپر لے جانے کی کوشش کی تو ہمارا راستہ روکا گیا، پاکستان موجودہ حالات کا شکار غلط پالیسیوں کی وجہ سے ہے۔ شہباز شریف نے گرتی معیشت کو اپنے پاؤں پر کھڑا کردیا ہے، سب کو پاکستان کی ترقی کے لیے کردار ادا کرنا ہوگا،مریم نواز شہبازشریف کا ہاتھ بٹا رہی ہیں، شہباز شریف اور مریم نواز بہترین کام کررہے ہیں۔
سابق وزیراعظم کاکہناتھاکہ مریم نواز نے پنجاب میں ترقی کی نئی منازل طے کی ہیں، مریم نواز پنجاب میں کوئی بھی کام میرٹ کے خلاف نہیں کر رہیں،پاکستان میں ہر کام میرٹ پر ہو رہا ہے۔ لاہور کی بحالی کے لیے بہت سے منصوبے چل رہے ہیں، لاہور کو اصلی حالت میں بحال کریں گے۔