فلائی جناح کا دبئی اور لاہور کے درمیان براہ راست پروازوں کا آغاز

پاکستانی فضائی مسافروں کیلئے خوشخبری ،فلائی جناح نے دبئی اور لاہور کے درمیان براہ راست پروازوں کا آغاز کر دیا۔
پاکستان کی فضائی کمپنی فلائی جناح نے لاہور اور دبئی کے درمیان نئی براہ راست پروازوں کے آغاز کا اعلان کر دیا ہے، جو 29 اکتوبر 2025 سے شروع ہوں گی۔
گلف نیوز کے مطابق یہ نئی فضائی سروس ہر ہفتے بدھ اور اتوار کو چلائی جائے گی، جس کے تحت علامہ اقبال انٹرنیشنل ایئرپورٹ ،لاہور کو دبئی انٹرنیشنل ایئرپورٹ سے براہِ راست جوڑا جائے گا۔شارجہ کے بعد دبئی فلائی جناح کے لاہور نیٹ ورک میں شامل ہونیوالا دوسرا اماراتی شہر بن گیا ہے۔
فلائی جناح اس سے قبل لاہور کو ریاض، جدہ، دمام اور بحرین سے بھی جوڑ چکی ہے۔فلائی جناح ایئرلائن کے پاس 6 جدید ایئربس A320 طیارے موجود ہیں، جو فضائی مسافروں کیلئے کشادہ اور آرام دہ نشستوں کے ساتھ آن بورڈ مینو، مفت ان فلائٹ سٹریمنگ اور وفاداری پروگرام جیسی سہولیات فراہم کرتے ہیں۔