محسن نقوی کی پی ایس ایل فرنچائز کیساتھ نیامعاہدہ جلدازجلدمکمل کرنےکی ہدایت

چیئرمین پاکستان کرکٹ(پی سی بی)محسن نقوی نےپی ایس ایل فرنچائزز کے ساتھ نئے معاہدے جلد از جلد مکمل کرنے کی ہدایت کردی ۔
پاکستان سپرلیگ (پی ایس ایل) فرنچائز کے آئندہ  10سال کےلئےمعاہدےکی تیاریاں آخری مراحل میں داخل ہوگئیں۔
چیئرمین پی سی بی محسن نقوی سےپی ایس ایل کی چارٹرڈ فرم کے نمائندوں نے ملاقات کی۔جس میں چیف ایگزیکٹیو آفیسر پی ایس ایل سلمان نصیر اور سی او او سمیر سید نےبھی شرکت کی۔
چیئرمین پاکستان کرکٹ بورڈ محسن نقوی کو ویلیوایشن فرم نے پی ایس ایل کی ویلیوایشن رپورٹ پیش کی،جس پرمحسن نقوی نےویلیوایشن رپورٹ کے حوالے سے سوالات کیے ساتھ ہی چارٹرڈ فرم کو تمام فرنچائزز سے ملاقات کی ہدایت بھی کی۔
چیئرمین پی سی بی نے فرنچائزز کے ساتھ نئے معاہدے جلد از جلد مکمل کرنے کی ہدایت کرتے ہوئے کہا ہے کہ ویلیوایشن رپورٹ کی بنیاد پر نیا فرنچائز معاہدہ طے ہو گا جبکہ چارٹرڈ فرم فرنچائزز کی نئی مارکیٹ ویلیو لگائے گی۔
پی سی بی حکام کےمطابق رواں سال دسمبرمیں پی ایس ایل کی 6 فرنچائزز کے کنٹریکٹ ختم ہو رہے ہیں، جس کےبعدآئندہ پاکستان سپرلیگ فرنچائزز کی تعداد 8 ہونے جا رہی ہے، نئے معاہدے صرف اہل فرنچائزز کے ساتھ ہوں گے۔