ملک وقوم کاامن واستحکام شہداکی قربانیوں کاثمرہے،آرمی چیف جنرل عاصم منیر

آرمی چیف جنرل سیدعاصم منیرنےکہاہےکہ ملک وقوم کاامن واستحکام شہداکی قربانیوں کاثمرہے۔
پاک فوج کےشعبہ تعلقات عامہ (آئی ایس پی آر)کےمطابق جی ایچ کیو راولپنڈی میں فوجی اعزازات دینےکی تقریب کاانعقادکیاگیا۔آرمی چیف جنرل سیدعاصم منیرنےافسران وجوانوں کوفوجی اعزازات سےنوازا،تقریب میں اعلیٰ فوجی حکام اورایوارڈحاصل کرنےوالوں کےاہلخانہ کی بڑی تعدادشریک ہوئی۔
آئی ایس پی آرکاکہناہےکہ تقریب میں ستارہ امتیاز(ملٹری)اورتمغہ بسالت کےاعزازات دئیےگئے۔شہداکےاعزازات ان کےاہلخانہ نےوصول کئے۔
تقریب سےخطاب کرتےہوئےآرمی چیف جنرل سیدعاصم منیرکاکہناتھاکہ شہدااورغازی ہمارافخرہیں،شہداکااحترام ہرپاکستانی پرمقدس فرض ہے،ملک وقوم کاامن واستحکام شہداکی قربانیوں کاثمرہے۔
سپہ سالارکامزیدکہناتھاکہ آج کا امن اور آزادی ان شہدا کی قربانیوں کی مرہون منت ہے، شہدا کی قربانیاں مادرِ وطن کے لیے بےنظیر اورناقابلِ فراموش ہیں۔
آئی ایس پی آر کاکہناہےکہ آرمی چیف نےشہداکےاہلخانہ کےصبراورقربانیوں کوخراج تحسین پیش کیا،سپہ سالارنےپاک فوج اورقانون نافذ کرنے والے اداروں کےعزم کوسراہا،انہوں نےدہشتگردی کیخلاف جنگ میں قانون نافذ کرنےوالےاداروں کی خدمات کوسراہا۔