منی لانڈرنگ کیس:پرویزالٰہی کی بریت کی درخواست پرفیصلہ موخر

منی لانڈرنگ کے مقدمے میں سابق وزیراعلیٰ پنجاب پرویز الٰہی کی بریت کی درخواست پر فیصلہ مؤخر کردیا گیا۔
لاہور کی اسپیشل کورٹ سینٹرل میں پرویز الٰہی، ان کے اہلِ خانہ اور دیگر ملزمان کے خلاف منی لانڈرنگ کیس کی سماعت ہوئی۔ عدالت کی جانب سے آج فیصلہ سنایا جانا تھا، تاہم اسے مؤخر کردیا گیا۔
عدالت نے پرویز الٰہی کی ایک پیشی سے استثنیٰ کی درخواست منظور کرلی۔
درخواست میں مؤقف اختیار کیا گیا تھا کہ قریبی رشتے دار کے انتقال کے باعث وہ عدالت میں پیش نہیں ہوسکتے۔