ناران کو سیاحوں کیلئے طویل بندش کے بعد کھول دیا گیا
![](https://pakistantoday.tv/wp-content/uploads/2024/05/Naran-905x400.jpg)
(پاکستان ٹوڈے) مرغزاروں کی سرزمین مانسہرہ کےمعروف تفریحی وسیاحتی مقام ناران کو طویل بندش کے بعد کھول دیا گیا۔
تفصیلات کے مطابق ٹورازم پروموشن ایسوسی ایشن آف کاغان کے چیئرمین مطیع اللہ نے اس اقدام کا خیر مقدم کرتے ہوئے ملک بھر کے سیاحوں کو ناران آنے کی دعوت دیدی۔ مانسہرہ کے ڈپٹی کمشنر عدنان خان کا کہنا ہے ملکی و غیر سیاحوں کیلئے وادیٔ ناران تک کی تمام شاہراہوں سے ہر طرح کی رکاوٹیں، جس میں لینڈ سلائیڈنگ اوربرف وغیرہ کو صاف کر کے کھول دیا گیا ہے۔
انتظامیہ کے مطابق جھیل سیف الملوک، بابو سرٹاپ اور بٹہ کنڈی کو جانیوالے راستوں کی بحالی کیلئے دن رات کام جاری ہے۔ ڈپٹی کمشنرمانسہرہ کا کہنا تھا, کہ مقامِ شکر ہے کہ تمام گلیشیر کلیئر کرلیے گئے ہیں۔ ناران کے مقامی لوگوں کا کہنا ہے کہ وادی میں عام طور پر مئی میں برف باری نہیں ہوتی یا زیادہ نہیں ہوتی، تاہم اب کے مئی کے مہینے میں برفباری نے وادی کے حُسن کودوبالا کردیا ہے۔
مقامی انتظامیہ نے یہاں آنیوالے سیاحوں کو ٹراؤٹ مچھلی کے شکار کی بھی اجازت دیدی ہے۔ مقامی انتظامیہ کا کہنا ہے کہ ان دنوں ناران اور اُس سے متصل سیاحتی مقامات کا موسم بہت اچھا ہے۔جھاڑے کی سخت سردیوں کی نسبت یہ موسم ملک بھر سے آنیوالے سیاحوں کیلئے آئیڈیل ہے، برفباری نے وادی کی دل کشی بڑھادی ہے۔