نمکین ذائقہ پیدا کرنیوالا الیکٹرک سالٹ چمچ تیار

پاکستان ٹوڈے:نمک خور ہو جائیں  ہوشیار،نمکین ذائقہ پیدا کرنیوالا الیکٹرک سالٹ چمچ تیار۔

تفصیلات کے مطابق جاپانی کمپنی نے نمکین ذائقہ پیدا کرنیوالا الیکٹرک سالٹ چمچ متعارف کروا دیا۔ کمپنی کا دعویٰ ہے کہ چمچ سے اصل نمک کے استعمال میں ایک تہائی تک کمی لائی جا سکتی ہے۔60

گرام وزنی چمچ ریچارج ایبل لیتھیم بیٹری سے کام کرتا ہے اور چمچ میں لگی دھات زبان پر کمزور برقی چارج منتقل کرکے سوڈیم آئن کھینچتی ہے، اس طرح اصل نمک کے بغیر صارف کو نمکین ذائقہ لگتا ہے۔

ماہرین کا کہنا ہےکہ نمک کا استعمال کم کرکے ہائی بلڈ پریشر، فالج سمیت دیگر بیماریوں سے بچا جا سکتا ہے اور اس سلسلے میں نمکین ذائقہ پیدا کرنیوالا الیکٹرک سالٹ چمچ مفید ثابت ہو سکتا ہے۔