ویمنزورلڈکپ:آج بنگلہ دیش اورانگلینڈمیں جوڑپڑےگا

انٹرنیشنل کرکٹ کونسل(آئی سی سی)ویمنزورلڈکپ کےآٹھویں میچ میں آج بنگلہ دیش اورانگلینڈمیں جوڑپڑےگا۔
انٹرنیشنل کرکٹ کونسل(آئی سی سی)کے زیر اہتمام خواتین کرکٹ ورلڈ کپ کے تیرہویں ایڈیشن میں چوکوں اورچھکوں کی بہارکاسلسلہ جاری ہےمیگاایونٹ سری لنکا اور بھارت کی میزبانی میں ہورہاہے،بھارت کو یہ 1978، 1997 اور 2013 کے ایڈیشن کے بعد خواتین کے عالمی کپ کی میزبانی کرنے کا چوتھا موقع ملا ہے جبکہ سری لنکا پہلی بار میگا ایونٹ کی میزبانی کر رہا ہے ، آسٹریلیا کی ٹیم ایونٹ میں ٹائٹل کے دفاع کے لئے ایکشن میں ہوگی۔آسٹریلیا کی ویمنزٹیم نے 2022 میں اپنا ساتواں ٹائٹل جیتا تھا۔
بنگلہ دیش اورانگلینڈکامیچ بارساپارہ سٹیڈیم میں کھیلاجائےگا،جس میں انگلینڈکی ٹیم فیورٹ قراردی جارہی ہے۔ بنگلہ دیش نےایونٹ میں اپنےپہلےمیچ میں پاکستان کو7وکٹوں سے شکست دےکرٹورنامنٹ کافاتحانہ آغازکیا۔جبکہ انگلینڈ نے اپنے پہلےمیچ میں جنوبی افریقہ کو10وکٹوں سےشکست دی تھی۔
واضح رہےکہ ایونٹ کاپہلامیچ میزبان بھارت اورسری لنکاکی وویمنزکی ٹیموں کےدرمیان کھیلاگیاجس میں بھارت نے59رنزسےکامیابی حاصل کی،جبکہ ٹورنامنٹ کےدوسرےمیچ میں دفاعی چیمپئن آسٹریلیانے نیوزی لینڈ کو 89رنزسےشکست دی۔ایونٹ کےتیسرےمیچ میں بنگلہ دیش نےپاکستان کو7وکٹوں سے شکست دےکرٹورنامنٹ کافاتحانہ آغازکیا۔ویمن ورلڈکپ کےچوتھےمیچ میں انگلینڈنےجنوبی افریقہ کو 10 وکٹوں سےشکست دی۔ایونٹ کاپانچواں میچ بارش کےباعث منسوخ کردیاگیاتھاجس کی وجہ سے آسٹریلیا اورسری لنکاکی ٹیم کوایک ایک پوائنٹ دےدیاگیا۔ٹورنامنٹ کےچھٹےمیچ میں بھارت نےپاکستان کو88رنزسےشکست دےدی۔