ٹک ٹاک اپنی کمیونٹی کی ذہنی بہبود کی حمایت کیلئے پرعزم

ٹک ٹاک اپنی کمیونٹی کی ذہنی بہبود کی حمایت کیلئے پرعزم،سوشل میڈیاپلیٹ فارم صارفین کو بلیئنگ کی رپورٹنگ اور روک تھام کیلئے دستیاب وسائل اور ٹولز کی نشاندہی کرے گا۔
ٹک ٹاک کا عزم اس بات کی عکاسی ہے کہ وہ اپنے صارفین کیلئے ایک معاون کمیونٹی فراہم کرے گا۔
ماہرین کے مطابق ٹک ٹاک آن لائن کام کی جگہ اور اس سے باہر ذہنی صحت کی اہمیت کو تسلیم کرتا ہے اور سب کیلئے ایک محفوظ اور شمولیتی ماحول کو فروغ دینے کیلئے پرعزم ہے۔اس سلسلے میں ٹک ٹاک نے پاکستان میں ڈیجیٹل رائٹس فاؤنڈیشن، اولادوکس، مرہم اور دیگر غیر منافع بخش شراکت داروں کے ساتھ شراکت داری کی ہے، تاکہ صارفین کو ذہنی صحت کے ماہرین تک آسان رسائی فراہم کی جا سکے۔
اس شراکت داری کے ذریعے، ٹک ٹاک پاکستانی کانٹینٹ کریٹرز سمیت 20 ہزار انٹرنیشنل کانیٹنٹ کریٹرز کو ہیڈ سپیس ایپ تک چھ ماہ کی مفت رسائی فراہم کرے گا۔اس اقدام کا مقصد کانٹینٹ کریٹرز کی ذہنی تندرستی میں مدد کرنا اور انہیں خود کی دیکھ بھال کو ترجیح دینے کیلئے بااختیار بنانا ہے۔
ٹک ٹاک کی اس مہم میں صحت مند عادات اور ٹک ٹاک کمیونٹی کی ذہنی صحت کی کامیابی کی کہانیوں کو فروغ دینے والا دلچسپ کانٹینٹ شامل ہوگا۔ یہ پلیٹ فارم اپنے صارفین کو ڈیجیٹل بہبود اور آن لائن تحفظ کے بارے میں بھی آگاہ کرے گا اور محفوظ اور شمولیتی ماحول تخلیق کرنے کی اہمیت کو اجاگر کرے گا۔