ٹیرف کےنفاذپرکینیڈا،میکسیکواورچین کچھ نہیں کرسکتے، صدرٹرمپ

امریکی صدرڈونلڈٹرمپ نےکہاہےکہ ٹیرف کے نفاذ پر کینیڈا ،میکسیکو اور چین کچھ نہیں کرسکتے۔
واشنگٹن میں صحافیوں سےگفتگوکرتےہوئےامریکی صدرڈونلڈٹرمپ کاکہناتھاکہ تیل اورگیس پر18فروری سےٹیرف لاگوکریں گے،سٹیل،المونیم اورتانبےپربھی ٹیرف لاگوہوگا،روس کےساتھ سنجیدہ بات چیت چل رہی ہے۔
اُن کامزیدکہناتھاکہ ٹیرف کے نفاذپرکینیڈا،میکسیکواورچین کچھ نہیں کرسکتے، کینیڈا کا رویہ اچھانہیں رہا،یورپی یونین پربھی ٹیرف نافذکریں گے،ٹیرف کےنفاذ سے قلیل مدتی خلل پڑسکتاہے،ٹیرف کے نفاذسےمارکیٹ کےردعمل پرتشویش نہیں۔
صدرٹرمپ کاسابق حکومت کوتنقیدکانشانہ بناتےہوئےکہناتھاکہ بائیڈن دورمیں محکمہ انصاف نےسیاسی انتقام کانشانہ بنایا،بائیڈن انتظامیہ نےسرکاری اداروں کوکرپٹ کیا،بائیڈن دورمیں وفاقی ملازم گھربیٹھ کرتنخواہیں وصول کررہے تھے ،ایک ٹریلین ڈالرکےغیرضروری اخراجات کی کٹوتی کی جارہی ہے۔