پاکستان سمیت دنیابھرمیں یوم کشمیرمنایاجارہاہے

پاکستان سمیت دنیا بھر میں یومِ یکجہتیٔ کشمیر آج بھرپور انداز سے منایا جا رہا ہے۔ کشمیری بھائیوں سے اظہار یکجہتی کے لیے ملک بھر میں سیمینارز اور ریلیاں منعقد کی جائیں گی۔یارانِ جہاں کہتے ہیں کشمیر ہے جنت ،جنت کسی کافر کو ملی ہے نہ ملے گی ۔
بھارت کی جانب سے کشمیر پر غاصبانہ قبضے اور مقبوضہ کشمیر میں بھارتی مظالم کا شکار نہتے کشمیریوں سے اظہارِ یکجہتی کیلئے آج پاکستان سمیت دنیا بھر میں یوم یکجہتی کشمیر جوش و خروش سے منایا جا رہا ہے ۔ملک بھرمیں کشمیریوں کی جدوجہدِ آزادی کو خراج تحسین پیش کرنے کے لیے مختلف پروگرام اور تقاریب منعقد ہوں گی۔
آج کشمیر بارود کی بو میں ڈوبا ہوا ہے جہاں ظلم اور بربریت کے سائے منڈلا رہے ہیں گمنام قبریں،عصمت دری کا نشانہ بننے والی کشمیری خواتین اور ہزاروں یتیم بچے بھارت کی فسطائیت کا منہ بولتا ثبوت ہیں بھارت جمہوریت کی نام نہاد دعویدار ریاست نے مقبوضہ وادی میں 10 لاکھ سے زائد غیر قانونی فوجی تعینات کر رکھے ہیں۔
حریت رہنماکاکہناہےکہ بھارت نے ظلم کی انتہا کر دی ہے،مقبوضہ کشمیر میں ہر جانب ظلم و زیادتی ہو رہی ہے،ہم جرات کے ساتھ ہندوستان کا مقابلہ کرتے رہیں گے۔5 فروری یوم یکجہتی کشمیر ایک دن ہی نہیں بلکہ ایک عہد ہے جو پاکستان کے عوام نے کشمیریوں کے ساتھ کر رکھا ہےبھارتی فوج مقبوضہ کشمیر میں تمام تر انسانیت سوز مظالم کے باوجود کشمیریوں کے جذبہ آزادی کو دبانے میں ناکام ہےپاکستان ہمیشہ مظلوم کشمیریوں کی اخلاقی اور سفارتی حمایت دنیا کے ہر فورم پر جاری رکھے گاپاکستان کے عوام اور پاک فوج مظلوم کشمیری بہن بھائیوں کے ساتھ کھڑے ہیں اور ان کی سفارتی اور اخلاقی مدد جاری رکھیں گے۔