پاکستان میں عورتیں زیادہ موبائل استعمال کرتی ہیں یا مرد؟رپورٹ جاری

پاکستان میں عورتیں زیادہ موبائل استعمال کرتی ہیں یا مرد؟رپورٹ جاری کردی گئی۔
موجودہ دور میں موبائل کا استعمال نا صرف بڑوں میں ہے بلکہ بچے بھی ا س کے بغیر رہنا گوارا نہیں کرتے، ایک حالیہ رپورٹ میں تفصیلات سامنے آئیں جس میں بتایا گیا کہ پاکستان میں  زیادہ موبائل مرد استعمال کرتے ہیں یا خواتین؟ایشین ڈویلپمنٹ بینک نے پاکستان ڈیجیٹل ایکوسسٹم کے موضوع سے رپورٹ جاری کی ۔
رپورٹ کے مطابق پاکستان میں مردوں کی نسبت خواتین ڈیجیٹل ٹیکنالوجی، خاص طور پر موبائل فون اور انٹرنیٹ تک رسائی میں بہت پیچھے ہیں۔
رپورٹ میں کہاگیاکہ پاکستان میں مردوں کی بڑی اکثریت کے پاس موبائل فون موجود ہیں، جبکہ خواتین کی بڑی تعداد کے پاس یا تو موبائل فون نہیں یا وہ صرف محدود فیچرز والے فون استعمال کرتی ہیں۔خواتین کے پاس انٹرنیٹ تک بھی رسائی کم ہے جس کی وجہ سے وہ تعلیم، روزگار، مالیاتی خدمات اور معلومات سے محروم رہتی ہیں۔
رپورٹ میں یہ بھی بتایا گیا کہ گھر کے مرد اکثر خواتین کو موبائل یا انٹرنیٹ استعمال کرنے سے منع کرتے ہیں۔ یہی وجہ ہے کہ خواتین کو ڈیجیٹل سکیورٹی، ہراسانی یا پرائیویسی کے مسائل کا بھی زیادہ سامنا ہوتا ہے۔
رپورٹ میں یہ بھی انکشاف کیا گیا ہے کہ بہت سی خواتین کو موبائل یا سمارٹ فون استعمال کرنے کی تربیت نہیں دی جاتی۔ سکول اور تربیتی ادارے بھی لڑکیوں کو ڈیجیٹل تعلیم دینے میں پیچھے ہیں۔