پاکستان میں فضائی آلودگی لاکھوں لوگوں کی جان کے لیے خطرہ بن گی

پاکستان ٹوڈے: پاکستان کا شمار دنیا کے آلودہ ترین ممالک میں ہوتا ہے اور اس کے دو سب سے بڑے شہر کراچی اور لاہور فضائی آلودگی سے سب سے زیادہ متاثرہ شہر قرار دیے گئے ہیں۔

تفصیلات کے مطابق پاکستان میں فضائی آلودگی لاکھوں لوگوں کی جان لینے لگی شکاگو یونیورسٹی کے انرجی پالیسی انسٹی ٹیوٹ کی رپورٹ کے مطابق فضائی آلودگی کی بڑھتی ہوئی شرح سے پاکستانیوں کی اوسط عمر ممکنہ طور پر کم از کم سات سال تک کم ہوسکتی ہے۔

عالمی ادارہ صحت کے مطابق پاکستان کا شمار آلودہ ترین ملکوں میں ہوتا ہے رپورٹ کے مطابق لاہور اور کراچی ملک کے فضائی آلودگی سے سب سے زیادہ متاثرہ شہر قرار دئے گئے ہیں

عالمی ادارہ صحت کے مطابق عالمی آبادی کا 97.3 فیصد حصہ فضائی آلودگی سے متاثر ہے، جس سے دنیا بھر میں ایک سال کے دوران تقریباً 65 لاکھ افراد زندگی کی بازی ہار جاتے ہیں۔