پاکستان کیلئے تیار پہلی ہنگور کلاس آبدوز کی لانچنگ

(پاکستان ٹوڈے) چین میں پاکستان کیلئے تیار ہونیوالی پہلی ہنگور کلاس آبدوز کی لانچنگ کی تقریب کا انعقاد کر دیا گیا۔

تفصیلات کے مطابق چین کے ووچانگ شپ بلڈنگ انڈسٹری گروپ کمپنی لمیٹڈ کی شوانگلیو بیس میں ہونیوالی تقریب میں چیف آف دی نیول سٹاف ایڈمرل نوید اشرف مہمان خصوصی تھے۔آئی ایس پی آر کے مطابق یہ پروجیکٹ پاک چین دوستی میں ایک نئی جہت کا اضافہ کرے گا ، حکومت ِ پاکستان نے چینی صدر کے دورہ پاکستان میں 8 ہنگور کلاس آبدوزوں کے حصول کے معاہدے پر دستخط کیے تھے۔

معاہدے کے تحت 4 آبدوزیں چین میں تعمیر کی جائیں گی ،جبکہ دیگر 4 آبدوزیں کراچی شپ یارڈ اینڈ انجینئرنگ ورکس لمیٹڈ میں تعمیر کی جائیں گی، یہ آبدوزیں جدید ترین ہتھیاروں اور سینسروں سے لیس ہوں گی۔