پاکستان کی جانب سے ایران امریکہ جنگ بندی کی کوششیں جاری ہیں،وزیر اعظم شہباز شریف

وزیراعظم شہباز شریف نے کہا ہے کہ پاکستان اس وقت بھی خطے میں جنگ بندی کے لیے اپنی کوششیں جاری رکھے ہوئے ہے۔
خطے کی موجودہ صورتحال پر ہونے والے اجلاس سے خطاب کرتے ہوئے وزیراعظم نے کہا کہ پاکستان بھی ایران کی جنگ سے شدید متاثر ہو رہا ہے اور اس کے نتیجے میں ملک کو معاشی مشکلات کا سامنا ہے۔
انہوں نے مزید کہا کہ ڈپٹی وزیراعظم بھی خطے میں کشیدگی میں کمی کے لیے انتھک محنت کر رہے ہیں، اور پاکستان نے خطے میں جنگ کے شعلے ٹھنڈے کرنے کی بھرپور کوشش کی ہے۔ اس وقت تک پاکستان کی جانب سے جنگ بندی کی کوششیں جاری ہیں۔