پریانکاچوپڑا شوبزانڈسٹری میں واپسی کیلئے پرعزم

بھارتی شوبزانڈسٹری کی معروف اداکارہ پریانکاچوپڑاشوبزمیں واپسی کےلئے پرعزم،اداکارہ کس پراجیکٹ کےذریعےانٹری دینےوالی ہیں،تفصیلات سامنے آگئیں۔
بھارتی میڈیاکی رپورٹ کےمطابق لاکھوں دلوں پرراج کرنےوالی بالی ووڈ کی مشہورومعروف اداکارہ پریانکاچوپڑاایک بارپھرقسمت آزمانےکےلئے انڈسٹری میں واپس کےلئےتیارہیں۔
42 سالہ پریانکا نے بالی ووڈ میں اپنے کم بیک کی تصدیق کرتے ہوئے کہا کہ وہ بالی ووڈ میں ڈانسنگ کو بہت مس کرتی ہیں۔
اداکارہ نےاپنےشوبزکیرئیرکاآغاز ممبئی کی فلم انڈسٹری سےکیاتھا اور اپنے لیے مستحکم اور مستقل جگہ بنائی، لیکن اسکے بعد ان کی توجہ مغرب کی جانب مبذول ہوئی اور وہ امریکن ٹی وی سیریز اور ہالی ووڈ فلموں میں نظر آنے لگیں اور وہ ایک گلوبل آئیکون بن گئیں۔
دسمبر2018میں اداکارہ نےاپنی ازدواجی زندگی کےکیرئیرکاآغازکیا،انہوں نےامریکی گلوکارو اداکار نک جونس سےشادی کی اورپھرامریکہ منتقل ہوگئیں۔
انکی آخری ہندی فلم دی وائٹ ٹائیگر (2021) تھی جس میں وہ آدرش گورو اور راجکمار راؤ کے ساتھ نظر آئیں۔ جس کے بعد سے انہو ں نے کسی ہندی فلم میں کام نہیں کیا، فلم بین ان کی کمی محسوس کرتے ہیں۔
اب اطلاع یہ ہے کہ وہ 2025 کی ہندی فلم میں کام کرینگی، اس حوالے سے جدہ میں منعقدہ ریڈ سی فلم فیسٹیول میں گفتگو کے دوران انکا کہنا تھا کہ وہ جلد ہی ایک بھارتی فلم سائن کرنے والی ہیں۔
اداکارہ کاگفتگوکرتےہوئے کہناتھاکہ میں دنیابھرمیں کہیں بھی چلی جاؤں لیکن میری جڑیں وہی ہیں، یہ میرادیس ہی نہیں بلکہ یہ میرے خاندان کا حصہ ہے، جہاں میری پرورش ہوئی۔ بھارتی فلمیں ہمیشہ میرے دل کا حصہ ہیں۔