پی ٹی آئی نےمحموداچکزئی کوقومی اسمبلی،اعظم سواتی کوسینیٹ میں اپوزیشن لیڈر نامزد کردیا

پی ٹی آئی نے محمودخان اچکزئی کوقومی اسمبلی میں اوراعظم خان سواتی کوسینیٹ میں اپوزیشن لیڈر نامزدکردیا۔
پارٹی کے سیکریٹری جنرل سلمان اکرم راجانے سپریم کورٹ کےباہرمیڈیاسے گفتگو کرتےہوئےبتایاکہ بانی پی ٹی آئی عمران خان نےقومی اسمبلی میں محمود خان اچکزئی کو اپوزیشن لیڈر جبکہ سینیٹ میں اعظم خان سواتی کو اپوزیشن لیڈر کے طور پر نامزد کیا ہے۔
اُن کامزیدکہناتھاکہ عمران خان سےملاقات کےلئے پارٹی کی وکلاء ٹیم چھٹیاں ختم ہونے کا انتظار کر رہی ہے۔ اسلام آباد ہائیکورٹ میں پارٹی کا توہین عدالت کا کیس زیر سماعت ہے، تاہم اس حوالے سے کوئی عملی اقدام نہیں ہو رہا۔
سلمان اکرم راجہ کاضمنی انتخابات کےبارےمیں گفتگوکرتےہوئےکہناتھاکہ پارٹی کی سیاسی کمیٹی کو معاملہ دیکھنے کی ہدایت کی گئی ہے۔ اس سلسلے میں آج شام پی ٹی آئی کی سیاسی کمیٹی کا اجلاس ہوگا، جس میں ضمنی انتخابات سے متعلق فیصلہ کیا جائے گا۔
مزید برآں پنجاب اسمبلی میں اپوزیشن لیڈر کے تقرر کے سلسلے میں پارٹی کی جانب سے پانچ امیدواروں کے نام طلب کیے گئے ہیں، جن میں سے مشاورت کے بعد ایک کو حتمی طور پر نامزد کیا جائے گا۔