پی ٹی آئی کوبڑاھچکا، سلمان اکرم راجہ کا عہدے سے مستعفی ہونےکا فیصلہ

پی ٹی آئی کوبڑاھچکا،سیکرٹری جنرل سلمان اکرم راجہ نےپارٹی کے عہدے سے مستعفی ہونےکافیصلہ کرلیا۔
سیکرٹری جنرل سلمان اکرم راجا کاکہناتھاکہ کل بانی پی ٹی آئی عمران خان سے عہدےکی علیحدگی کی گزارش کروں گا،جبکہ پارٹی کے لیے وکالتی خدمات بلامعاوضہ جاری رکھوں گا۔
اُن کامزیدکہناتھا آج ایک ایسا واقعہ ہوا جو اب مجھ سے دو ٹوک فیصلےکا تقاضہ کرتا ہے، میری زندگی کھلی کتاب ہے، میرا کوئی عمل کسی اصول سے متصادم نہیں، میرا مختصر خاندان میرے ساتھ کھڑا ہے۔
سلمان اکرم راجہ کاکہناتھاکہ اپنی بھرپور وکالت کو پس پشت ڈال کر معاشی بے یقینی کو بخوشی قبول کیا، ہم نے پارٹی کے اندر اور باہر سے ہرقسم کے رقیق حملوں کو سہا ہے، جس کا کوئی ملال نہیں۔
ذرائع کاکہناہےکہ پی ٹی آئی جنرل سیکرٹری سلمان اکرم راجہ اوربانی پی ٹی آئی کی ہمشیرہ علیمہ خان کےدرمیان ضمنی انتخابات کےمعاملےپر بحث ہوئی تھی جس سے دلبرداشتہ ہوکرسلمان اکرم راجہ نے پارٹی کاعہدہ چھوڑنےکافیصلہ کیا۔
ذرائع کابتاناہےکہ علیمہ خان نےکہا کہ بانی پی ٹی آئی کا واضح حکم تھا کہ ضمنی انتخابات میں حصہ نہ لیں۔
پارٹی ذرائع کے مطابق سلمان اکرم راجہ نے سیاسی کمیٹی کا مؤقف اور ارکان کی رائے سے علیمہ خان کو آگاہ کیا، سلمان اکرم راجہ نےکہا کہ ضمنی انتخابات میں شمولیت کے حوالے سے ووٹنگ میں 9 نے مخالفت اور حق میں 13 نے بات کی۔