گورنر پنجاب کا مریم نواز کو خط، چکوال اور جہلم کو آفت زدہ قرار دینے کا مطالبہ

گورنر پنجاب سردارسلیم حیدر نے وزیراعلیٰ مریم نواز کو خط لکھا جس میں انہوں نے چکوال اور جہلم کو آفت زدہ قرار دینے کا مطالبہ کیاہے۔
گورنر پنجاب سلیم حیدر نے وزیراعلیٰ مریم نواز کو خط لکھا ہے جس میں سیلاب سے متاثرہ اضلاع چکوال اور جہلم کو آفت زدہ قرار دینے کا مطالبہ کیا گیا ہے۔
گورنر نے اپنے خط میں نشاندہی کی کہ حالیہ شدید بارشوں اور سیلاب کے باعث ان علاقوں میں نظامِ زندگی بری طرح متاثر ہوا ہے۔ کئی پل منہدم ہو چکے ہیں، رابطہ سڑکیں تباہ ہو گئی ہیں، جبکہ متعدد غریب خاندانوں کے گھر، مال مویشی اور ذاتی سامان سیلابی ریلے میں بہہ چکے ہیں۔
انہوں نے حکومتِ پنجاب سے اپیل کی ہے کہ فوری طور پر نقصانات کا ازالہ کیا جائے اور متاثرین کو ریلیف فراہم کیا جائے تاکہ صورتحال پر قابو پایا جا سکے۔