گوگل میپس میں 2 نئے کارآمد فیچرز متعارف

گوگل میپس میں 2 نئے کارآمد فیچرز متعارف ۔ ٹیکنالوجی کی معروف کمپنی گوگل نے اپنی مقبول سروس میپس میں 2 نئی اپ ڈیٹس متعارف کروانے کا اعلان کیا ہے۔
جس سے صارفین کیلئے منزل کی تلاش آسان ہو جائے گی جبکہ سڑک پر رکاوٹوں یا ٹریفک جام کے بارے میں بھی صارفین جان سکیں۔
کمپنی کی جانب سے اعلان کیا گیا ہے کہ گوگل میپس میں رپورٹنگ آئیکون پر کلک کرنے کا عمل آسان بنایا جا رہا ہے۔ اس فیچر کے ذریعے صارف کی جانب سے سڑک پر کسی حادثے یا رکاوٹ کو رپورٹ کیا جائے گا اور وہاں قریب موجود دیگر ڈرائیورز کی جانب سے اس رکاوٹ کی تصدیق سنگل کلک سے کی جائے گی۔
اب گوگل میپس میں اس عمارت کو ہائی لائٹ کیا جائے گا،جو صارفین کی منزل ہو گی، جبکہ اس میں داخل ہونے والے دروازے اور قریبی پارکنگ لاٹس کی نشاندہی بھی کی جائے گی۔
گوگل کا کہنا ہے کہ یہ فیچر دنیا بھر میں متعارف کرانے کا سلسلہ شروع کر دیا گیا ہے۔