گڈ گورننس، درست پالیسیاں اور سخت محنت ہماری ترجیح ہونی چاہیے،مریم نواز

وزیراعلیٰ پنجاب مریم نوازنےکہاہےکہ گڈ گورننس، درست پالیسیاں اور سخت محنت ہماری ترجیح ہونی چاہیے۔
وزیراعلیٰ پنجاب مریم نوازکا نیشنل سکیورٹی وار کورس کے ملکی وغیر ملکی شرکا سے خطاب کرتے ہوئےکہناتھاکہ مشترکہ تربیتی کورس سے ممالک کے باہمی تعلقات مضبوط ہوں گے، پاکستان کی مسلح افواج کی پیشہ ورانہ مہارت پر فخر ہے،فیلڈ مارشل سید عاصم منیر کی بہترین حکمت عملی کی بدولت جنگ میں عظیم کامیابی ملی، پاکستان نے آپریشن بنیان مرصوص میں تاریخی کامیابی حاصل کی۔
اُن کامزیدکہناتھاکہ ہمیں اندرونی اور بیرونی چیلنجز کا سامنا ہے۔درپیش چیلنجز سے مل کر ہی نمٹا جاسکتا ہے،پاکستان جغرافیائی لحاظ سے خطے کا اہم ملک ہے،گڈ گورننس، درست پالیسیاں اور سخت محنت ہماری ترجیح ہونی چاہیے، گڈ گورننس سے عوامی مسائل کا حل ممکن ہے،عوام کو بہترین سہولیات کی فراہمی میری اولین ترجیح ہے۔
مریم نوازکاکہناتھاکہ پنجاب میں ملکی تاریخ کے بڑے سیلاب کا سامنا کرنا پڑا، پنجاب میں بڑا ریسکیو اینڈ ریلیف آپریشن کیا،متاثرہ علاقوں میں پنجاب کی کابینہ اور انتظامیہ نے ایک ٹیم بن کر کام کیا۔ عوام کی بے لوث اور بلاتفریق خدمت میرا مشن ہے۔
وزیراعلیٰ کامزیدکہناتھاکہ پنجاب میں عوام کو سہولیات کی فراہمی کیلئے مختلف پروگرامز شروع کیے، صوبے بھر میں ترقیاتی پروگراموں کے ساتھ دیہات کو مثالی بنانے کا پروگرام بھی شروع کیا گیا ہے۔ عوام کی خدمت کے جذبے سے کام کر رہے ہیں۔