ہنی ٹریپ کیس،ملزمان کےجوڈیشل ریمانڈمیں توسیع

معروف ڈرامہ نگارخلیل الرحمان قمرہنی ٹریپ کیس میں عدالت نے ملزمہ آمنہ عروج کے 11 شریک ملزمان کے جوڈیشل ریمانڈ میں 14 دنوں کی توسیع کردی۔
ڈرامہ نگار خلیل الرحمان قمر ہنی ٹریپ اور اغوا برائے تاوان کیس کی سماعت انسداد دہشتگردی عدالت کے ڈیوٹی جج عرفان حیدر نے کی۔ ملزمان کوعدالت میں پیش کیاگیا۔
پولیس نے ملزمان کے جوڈیشل ریمانڈ میں توسیع کی استدعا کی۔ ملزمان میں حسن شاہ،تنویر احمد،قیصر عباس،رشید احمد ،فلک شیر ،میاں خان، یاسر علی،جاوید اقبال،ذیشان قیوم اور معمون حیدر شامل ہیں۔
پولیس نے کہا کہ ملزمان نے ڈرامہ نگار خلیل الرحمان قمر سے ایک کروڑ تاوان کا مطالبہ کیا۔ملزمان نےڈرامہ نگارکےاے ٹی ایم سے 2 لاکھ  87 ہزارروپے نکلوائے،حسن شاہ سمیت دیگر آمنہ عروج کے شریک جرم ساتھی ہیں۔
تفتیشی افسر نے استدعا کی کہ ملزمان کیخلاف مقدمہ کا چالان تیاری کے مرحلہ میں ہے جلد عدالت میں جمع کرا دیا جائےگا مہلت دی جائے۔
جس پرعدالت نے ملزمہ آمنہ عروج کے 11 شریک ملزمان کے جوڈیشل ریمانڈ میں 14 دنوں کی توسیع کرتے ہوئے ملزمان کو 28 اکتوبر کو دوبارہ پیش کرنے کا حکم دیدیا۔