26نومبراحتجاج کامعاملہ :بشریٰ بی بی کی7مقدمات میں ضمانت میں توسیع

26نومبراحتجاج کےکیس میں بانی پی ٹی آ ئی عمران خان کی اہلیہ بشریٰ بی بی کی 7مقدمات میں عبوری ضمانت میں توسیع ہوگئی۔
اسلام آبادکی انسداددہشتگردی عدالت کےجج ابوالحسنات محمد ذوالقرنین نےبانی پی ٹی آئی عمران خان کی اہلیہ بشریٰ بی بی کےخلاف 26نومبراحتجاج کےکیس کی سماعت کی۔بشریٰ بی بی کیجانب سے انصر کیانی ایڈوکیٹ اور شمسہ کیانی ایڈوکیٹ عدالت میں پیش ہوئے۔
بشریٰ بی بی کی طرف سے حاضری سے استثنیٰ اورشامل تفتیش ہونے کے لئے درخواست دائرکی گئی۔
عدالت نے 7 مقدمات میں بشریٰ بی بی کی عبوری ضمانت میں توسیع کرتےہوئے کیس کی مزیدسماعت 5مئی تک ملتوی کردی۔
یادرہےکہ بشریٰ بی بی کیخلاف تھانہ آبپارہ ،سیکرٹریٹ ،ترنول، رمنا میں 2،مارگلہ اور کراچی کمپنی میں دہشت گردی کی دفعات کے تحت مقدمات درج ہیں۔